touwensa.com هي بوابة إخبارية على الإنترنت ومصدر دائم للمحتوى التقني والرقمي لجمهورها المؤثر في جميع أنحاء العالم. يمكنك الوصول إلينا عبر البريد الإلكتروني أو الهاتف.
editor@touwensa.com
و قالت مفتاحي في حوار مع برنامج "وي تالك" ، ان إختيار مسلسل الجبل الأحمر موفق لأن الناس "يمشي فيبالها ديما أنو الجبل الأحمر متاع باندية لكن بالعكس جبل الأحمر خرج مناضلين وفنانين وسياسيين.
و تابعت قائلة "باش نعطيو تصويرة مخالفة تماما على ما يقال و باش تكون تصويرة مزيانة على الجبل الاحمر " مضيفة بالقول "ربيع التكالي تعاملت معاه في شورب ، وأنو تخدم في حاجة شعبية موش ساهل ، لا علاقة بين شورب والجبل الاحمر وباش نشوفو فيه الشرايح الكل ربيع التكالي كي خدم شورب عمرو 24 كان يقرا وعمل مسلسل ، وأنا نمن بالشباب وهو مخرج واعد جدا وتوا تشوفو السنا الخدمة إلي خدمها".
و أكدت مفتاحي ان أكثر من 60 بالمائة من الشباب أخذوا الأدوار الكبيرة في المسلسل ، هناك فقط فتحي الهداوي و نصرالدين السهيلي لديهما أدوار البطولة".
و تحدثت المفتاحي انها تلعب دور صغير لكنه مهم ".
و اضافت قائلة "أحنا ماصورناش في الجبل الاحمر بل في ديبوزفيل ولكن نفس الشكل ونفس الحومة ، الجبل الاحمر تڨد وتبدل معادش متاع قبل أما ديبوزفيل قعد كيما هو ... باش تشوفو التوانسة وين عايشة في 2023 وباش تعرف عمق بلادك وأنت في وسط العاصمة وتفرح باش تاقف لبلادك".
