كتبت النجمة التونسية امنة فاخر النص التالي الذي يتحدث عن نهاية العلاقات العاطفية و في ما يلي النص:
"الرصيد"
قبل كنت نستغرب من نهايات بعض العلاقات ..
مثلا كيفاش فما حالات طلاق ممكن تصير بعد10 سنين أو اكثر ونقول علاش طلقو بعد هالمدة الطويلة ؟؟!!
ومثلا أصدقاء العمر اللي يقطعو بعضهم وماعادش فما حدينجم يقنعهم يرجعو علاقتهم مع بعضهم أبداً... والأقارب والجيران و احيانا حد من الدار تستغرب انو فما علاقات وقفت و فعلا ما عادش فما حد ينجم يرجعها ...قعدت نستغرب الشي هذا حتى لين وصلت لحقيقة أنو في كل هالعلاقات فما شي اسمو " رصيد "
علاقاتنا بالناس مرهونة برصيد يتحدد حسب مَعزّة هالشخص عنا وكل ما التعامل كان راقي ومحترم الرصيد يزيد
والعكس صحيح كل ما التعامل كان سيء وغير لائق الرصيد ينخفض
ممكن الرصيد يزيد بكلمة صغيرة طالعة من القلب وممكن ينخفض كيف كيف بكلمة
ومع إحساس البعض انو احنا نحبوهم يتماداو بالتصرفات الغير مرضية
وما يعرفوش انهم يسحبو من رصيد والمحبة الي في قلوبنا لهم
ويعتقدو انو رصيد التسامح الي عندنا لهم ممتد بلا نهاية وطبعا العلاقة تستمر حتى لين مايولي الرصيد صفر
لكن في حالات استثنائية نختارو نعيد شحن الرصيد ونضطر ونغفرلوهم أخطائهم ( خاطر الحلال و الحرام ،خاطر العشرة ، خاطر ، ، ،......)
و يرجع يتمادى الشخص مره اخرى ويسحب رصيده مرة اخرى
هوني احنا نكونو فقدنا قدرتنا على التحمل
بعدهايصير قرار قطع العلاقة قرار قادرين على اتخاذه بكل ثقة و تأكد وبدون تراجع ببساطة على خاطر قرارمابعدوش ندم
حافظو على علاقاتكم وعلى الناس الي تغفروتسامح بررشا
ولا تعتقدو انو المدة الزمنية او طول العلاقة أسباب كافية لاستمراريتها
زيدو رصيدكم بالمودة و الرحمة و الاحساس و حسن الخلق
و بطريقة ابسط :
اعرفوا كيفاش تستحفظوا على احبابكم واذا كان صاحبك عسل ...?
