ربي يفرج على رئيس الترجي الرياضي التونسي السابق السيد سليم شيبوب، الي تحط ضد لوبي فساد كامل في دولة لا فيها قانون و لا شي، قانون الغاب و الي زاد عمل هذا الكل هو رئيس الحكومة السابق يوسف الشاهد و العصابة الي معاه..
يوسف الشاهد بعد ما عمل و خلاها البلاد هرب و ما عاودش رجع، عكس سليم شيبوب الي رجع و قال نروح لبلادي بالقانون... لكن الحيتان الي تسطاد في الماء العكر ستنات و قعدوا يساوموا فيه....
جمهور الترجي ما يخليش و ما ينساش رجال الترجي و الرجال الي خدمت الترجي...
جماهير الجمعيات لخرى بطبيعتهم في الشماتة هوما لولانين، اما هوما زادة سليم شيبوب عاون جمعياتهم و عاون ملاعبية في جمعياتهم و ركحلهم جوهم و بعد أكثر عباد تكلموا خايب في سليم شيبوب الي عاونهم و وقف معاهم و انجموا نسميوهم بالواحد اما مش وقتو.
توا وقت وقفة مع سليم شيبوب ربي يفك اسره و كان عندكم عليه حاجة تفضلوا الكل... غير هذا... قانون الغاب ينطبق في بلاد ماعادش فيها قانون للأسف.
