فريال الرحوي هي واحدة من الكفاءات التونسية المهاجرة خارج حدود الوطن وبالتحديد في سلطنة عمان. اكتشفتها قناة تونسنا في الفريق التقني و ظلت مدينة لادارة القناة لكن فريال ليست فقط اخصائية صوت و صور بل لها طموحات اخرى كانت لنا معها هذه الدردشة الخفيفة مباشرة من عمان و بالتحديد مسقط.
نحب نكون منشطة
سالنا فريال هل ان من طموحاتها الدخول لعالم التنشيط و التقديم التلفزي ام انها تريد الاكتفاء بكونها من جنود الخفاء فكانت هذه اجابتها.
تقول فريال "علاش لا أي حد يطمح الى الاحسن و يطمح لتجارب جديدة
ممثلة كيف كيف حاجة نحبها برشا
أنا كنت بش نعمل مسرح قبل
و بعد قلت أكيد مش بش يوكل الخبز تحب و الا تكره الفن ما يوصلش في تونس
و أنا الفن بصفة عامة عشقي
هذا علاش اخترت حاجة نحبها و نتنفس فيها آني نكون تقنية صوت .
حكايتي مع الموسيقى
تضيف فريال "أنا الموزيكا حليت علاها عيني
فدخلت لمجال الي فيه موزيكا ووفن و تمثيل وتقديم مجال يشمل كل شي
الي يخلاني نخدم بعيني من غير ما نقول أي يزي تعبت بالعكس بكل حب و ما نتعبش
ما عنديش قدوة في التنشيط لاني ما جربتش و ما جربت مع حد
لكن الي تشدني اوبرا وينفري الي نشوفها مثل اعلى ، منشطة منتجة مؤلفة ممثلة.
هذه نظرتي للجمال
الجمال عمرو ما كان ضروري لانه الجمال يكون في شخصية الانسان و كيف تحكي و تتعامل مع الناس و توصل معلومة
و في وقتنا توه ضروري تكون جميلة وبيني و بينك المكياج يخفي أي عيوب.
شهادة حق
فريال تجمع بين الاخلاق الرفيعة و التواضع و البساطة و هو ما يؤهلها لنحت مسيرة طيبة خاصة اذا واصلت العمل بغرام و عزم و امل.
