اطلق المدرب و اللاعب مجدي التراوي النار على راضي الجعايدي ووصفه بالمتكبر اثر ظهوره في برنامج الحوار سبور مع امين قارة.. و تأتي تصريحات التراوي على اثر رفع الجعايدي قضية بالترجي تسببت في منعه من الانتدابات وقتيا و هذه ابرز تصريحات التراوي بخصوص الجعايدي

**راضي الجعايدي حتى على 1 يورو يشكي السيد و فما فازة صارت في المطار اول مجا فما الجماعة لي يهزو الباڨاج معروفين كي يهزولك باڨاجك تعطيهم حاجة، جاو لراضي بعد ما هزولو دبشو قالولو خلصنا قالهم معنديش فلوس ومن وقتها عرفت طبيعة الشخص هذا.

** الجعايدي كان كي يجي يراني تحسو متكبر على الناس الكل كاينو حاجة كبيرة

** الجعايدي وصل قال انو الترجي متع معين الشعباني نربحها و انا قاعد في داري

** الجعايدي كي جا قال ملاعبية الترجي لا يعرفو يرقدو لا يعرفو ياكلو ميعرفو حتى شي

** الجعايدي وصل سكن في نزل 5 نجوم في جهة قمرت كان يتكلف على الترجي قرابة 20 مليون شهريا وهذا من بين الشروط لي شرطو راضي باش يدرب الترجي

** الجعايدي وصل يبعث فالميساجات لحمدي المدب يقلو بربي خليني ندرب بربي عيطلي باش ندرب الترجي باش في لخر يجي و يتعالى على جمعيتو ويشكي بيها على 50 ألف دولار