نشرت الاعلامية مريم بن حسين نصا مؤثرا حول زميلتها فرح بن رجب، هذا محتواه.

.. أنا نعرف فرح بن رجب من أول بداياتها وتابعت كل مراحلها في التلفزة ..

كانت فرح كي تطلع في قناة Art ؛ جمهور كبير من المتابعين في كل الوطن العربي يستنى طلتها.. ؛ على خاترها كانت شخصية مختلفة تدخل الفرحة على النفوس بأسلوبها المرح وعفويتها.. حاولوا برشة يقلدوها وقتها وحتى من بعد .. وحد ما نجح في ذلك ..

وقتلي "فرح " بعدت على التلفزة خلات بلاصة كبيرة .. و حتى هي ما نجمتش تتأقلم برشة مع هذا البعد لأنو حب هذا المجال في ADN متاعها.. رجعت في بعض التجارب اللي قعدت باهتة.. ولا تمت ليها بصلة كبيرة وما أضافتش ليها، نعتبر اليوم اللي هي في ~مكانها الصحيح ~بروحها وحضورها وضحكتها اللي تدخل القلوب وتجربتها في المجال الاعلامي بش تعمل الفارق في برنامج تحت السور Farah Ben Rejeb ونتمنالها كل النجاح ..

هذا علاوة على إنو نحتاج اليوم إلى هذه النوعية من البرامج ذات المحتوى الجيد في تلفزاتنا لنقاوم الكم الكبير من الرداءة اللي آجتاحتنا ولا تزال وهذا من الأسباب اللي أنا قبلت الدعوة بش نكون موجودة معاها ومع الفريق المصاحب اللي عندو مستوى كبير Sonia Dahmani Lotfi Laamari Walid M'Charek

صوت هيثم الحضيري وأغانيه الصوفية رائعة .. لازمكم تمشيوا للعرض متاعوا " محبة " .. Haythem Hadhiri

الشيخ محمد بن حمودة يا ريت كل الذين يظهرون في المنابر باسم الدين مثلك .. ويا ريت ما عاد يعيطوا كان ليك ويرتحونا منهم .. Mammou Ouma Chehaibi

شكرا على الحرفية ومزيد من التقدم

شكرا لكل الكلام الجميل اللي وصلني شكرا لرسائلكم ومكالماتكم .. ؛

أنا نلتقيكم في برنامجي الجديد على قناة نسمة في أواخر نوفمبر

توه نزيد نحكيلكم عليه وقتلي تتشكل كل الملامح النهائية ..

نحبكم♥️