صرح الأستاذ منير بن صالحة محامي الفنان نور شيبة ان موكله حالته النفسية متردية من قبل القضية و يتابع مع طبيبته النفسية .
و أوضح بن صالحة في تصريح لإذاعة "موزاييك اف ام" قائلا:
نور شيبة حالتو النفسية متردية من قبل القضية وعندو متابعة مع طبيبتو وكملت عليه القضية و السجن و المحاكمة كي صار حكم بالبراءة كان يتوقع انو الحكاية وفات و بش يرجع لحياتو الطبيعية ياخي يلقى محكمة الفيسبوك و صفحات تشويه و ثلب.
و تابع قائلا:
نور انهار تماما و طلبني قلي كرهت حياتي و نحب نموت قتلو خلي إيمانك بربي كبير راهو الفيسبوك ما سلم منو حد لا فنانين لا سياسيين لا حتى رئيس جمهورية عاملين صفحات تحريض ضدو و طلبت خوه منذ يومين قلي نور في المصحة يتعالج بعد ما صارلو انهيار عصبي و من وقتها انقطع اتصالي بنور.
و حول منع موكله من السفر بين بن صالحة قوله:
ثمه اخبار تقول الي هو حاول يسافر ومنعوه في المطار وتنجم تكون صحيحة رغم الي ما ثماش حكم بتحجير السفر عليه.
