اثار بروز الفنان حمزة الفضلاوي حفيظة المنشط عبد الرزاق الشابي الذي مزق الصمت رغم ديبلوماسيته المعروفة و اطلق عليه النار.
عبدالرزاق الشابي في رسالة للفنان حمزة_الفضلاوي كان مباشرا و قاسيا و قال:
نسمع فيك في الإذاعة الوطنية تقول بديت من ذي فويس و أصبحت بعدو نجم عربي.. غريب نكران جميل قناة حنبعل هي التي قدمتك ونحنا الي كونناك بالمباريات الي عملتها معانا تحصلت على الجايزة الأولى في فقرة انت_ستار سنة 2013 قبل أن تشارك في البرنامج العربي The Voice الذي مجدته على حساب قناة تونسية اسمها حنبعل وتجاهلت مرحلة هامة من حياتك وهذا نكران ما بعده نكران..
انتي نعرفك كي ولدي و نعرفك من عايلة باهية و صوتك باهي أرجوك ثم أرجوك ما عادش تنقز عالتاريخ لازم كي يسألوك تقول بديت من حنبعل القناة الخاصة الأولى في تونس و من برنامج ديمونش حنبعل الي علمك كيفاش تغني لازم تكون وفيّ للمكان و الأشخاص الي طلعوك و خلاوك فين انتي توا ".
و يبدو ان معركة حامية الوطيس اندلعت بين الفضلاوي و الشابي.
فهل يرد الفنان الشاب على المنشط القيدوم ام سيكتفي بالصمت على تهمة نكران الجميل.
