نزل الصحفي عزيز بن جميع ضيفا على راديو عليسة fm بقابس و في مداخلة عبر المباشر كانت له امسية اذاعية رائقة مؤخرا مع جمهور قابس و هذا ابرز ما جاء في تصريحات الصحفي و الناقد و الكرونيكور و الوجه التلفزي عزيز بن جميع:
* جديدي هو مسرحية جماعية من نصي و بطولة الممثل القدير عبد اللطيف خير الدين كتبتها على قياسه بطلب منه، هي مسرحية جماعية تطرح قضية اجتماعية خطيرة مثيرة للجدل و فيها خمسة شخصيات يوديها خمسة ممثلين.
* انهيت كتابة كل المسرحية و بدأنا المرحلة الاولى لعملية البروفات في فضاء خاص بالعاصمة مع عبد اللطيف خير الدين و رضا القروي.
* هذه ثاني تجربة ليا في المسرح ككاتب نصوص بعد "رمبو و جليلة" التى الفتها سنة 2016 و مثلها رضا القروي و كاميليا حمدي و حضر عروضها عز الدين المدني و محمد كوكة و الامين النهدي.
* أكره الاستسهال و الجمهور التونسي مثقف و ذكي خاصة في المسرح اذا ما استسهلناه يغادر العرض بعد خمس دقائق.
* لن أقدم شعارات سياسية في المسرحية الجديدة و الجمهور من كلّ كلام السياسة في البلاتوهات التلفزية
* الكتابة المسرحية "هبلة" فنية ما "تجيش" كل يوم و قعدت سبعة سنين تقريبا من 2016 لتوه باش خرجت انتاج مسرحي ثاني بعد الاول هي عملية مخاض كيما المرا كي تولد .
* ما نجموش نعلنو على العروض الاولى الى ما نكونو مقتنعين و حاضرين و ما نبلفطوش الخدمة و نبرفو في عقلنا موش مهم حاليا وقت العرض الاول بقدر المهم تحضر مسرحية كبيرة.
* خالطتت منذ صغري اسماء مثل رؤوف بن يغلان و المنجي العوني و الامين النهدي و صلحلي قبل نصوصي عز الدين المدني و محمد كوكة و كتبت مئات المقالات النقدية حول مسرحيات تونسية
* نحب جماعة المسرح و عندي ميل ليهم لانهم تمرمدو اكثر ببرشة من جماعة التلفزة و السينيما هذاكه علاه تلقاهم متكونين في المهنة اكثر
* الصدق عملية اساسية لنجاح المسرحيات و نتمنى نقدمو عروض لجمهور قابس كيما كل جماهير الجهات الداخلية خاطر الجمهور داخل الجمهوية مثقف و ذكي.
