من أكتر الأمور اللي ممكن تدفع خيالك وتفكيرك للعمل، هو فكرة السفر عبر الزمن وبما إن العلم حتى وقتنا الحالي لم يصل فيها لإجابات فاصلة، فسوف تظل كل القصص التى نسمعها انها حدثت، بتحتمل انها تكون حقيقة أو مجرد درب من الجنون.. سأحكى لك اليوم عن حادثة مشهورة ومثبتة في التاريخ عن حالة من حالات السفر عبر الزمن ولك الحرية في التصديق والتكذيب.
** قصة ضابط الطيران الملكي الأنجليزي، السير مارشال Victor Goddard
السير فيكتور كان واحد من اكفأ مارشالات الطيران في الأسطول الملكي في وقت الحرب العالمية التانية ومشهور ببطولاته وخبرته الكبيرة في مجال الطيران.. بيحكي انه في سنة 1935 أيام ما كان قائد سرب لسه، اتطلب منه يقود طيارة وينطلق في حملة استطلاع لقاعدة طيران مهجورة موجود في ادنبرا باسكتلاندا.. بمجرد وصولة هناك بالطيارة، كانت القاعدة مهجورة تمامًا من اي شيء او شخص والزرع نامي في كل مكان وهناك مجموعات من الحيوانات تتجول فيها.. كُل دا سجله وبدأ في طريق عودته لقاعدته حتى يدلى بالتقرير، لكن للأسف في الطريق بدأ الجو يغيم والأمطار تشتد بشكل كبير بدرجة تؤثر على توازن الطيارة، فقرر انه يرجع تاني لقاعدة ادنبرا لانها اقرب ويهبط هناك لغاية ما العاصفة تهدى.
فيكتور بيقولك بمجرد ما لف بالطيارة، لاحظ ان الجو اتغير 180 درجة وكأنه عدى من ستارة وهميه موجوده بتفصل بين الجحيم والنعيم.. الطقس والجو حواليه اتغيروا في لمحة بصر بشكل غريب جدًا، وكُل دا كان بالنسباله شيء، وأول ما وقعت عينه عالقاعدة كان شيء تاني خالص.. السير فيكتور وجد القاعدة شغاله بكفاءه تامة على عكس المرة الأولى وفي طيارات مركونة وظباط وعاملين بكثرة على الأرض!
نوع الطيارات اللي كانت موجودة شكلها كان غريب جدًا بالنسبة ليه وعمره ماشافها قبل كده بالرغم من انه من كبار ضباط الطيران ويعتبر هما عندهم افضل اسطول، دا غير انه كان كل العاملين كانوا لابسين افارول ازرق بأشرطة صفراء ودا عكس الطبيعي لأنه اللبس التقليدي ليهم كان الكاكي والطائرات كانت بالأصفر بالرغم من انه لونهم الطبيعي والموحد هو الفضي.
فيكتور الموقف خلاه غير قادر حتى على النطق وخاف يهبط بالطيارة واكتفى بعدة محاولات للتحليق حواليهم ولما اتحركوا وراه، اتجه بسرعه للقاعدة العسكرية بتاعه واداهم تقرير عن كل اللي حصل.. طبعًا افتكروا انه عنده نوع من الهلوسة وبعتوا طيارات من عندهم تتحقق من كلامه لعل دولة تانية سيطرت عالمطار وبتستخدمه، لكن لما راحوا وجدوها زي ماشاف اول مرة فعلًا.. مكان فاضي ومهجور مليان بالزرع وقطعان من الحيوانات الشاردة.. وعدى الموضوع على كده انه هلوسة من السير فيكتور.
بعدها بحوالي 4 او 5 سنين لما كانت الحرب على مشارفها واوروبا بتحارب في بعضها، اتبعت في مأمورية لمطار ادنبرا مرة تانية وهناك حصله صدمة كادت تذيب عقله من شدتها.. السير فيكتور رأى بالظبط نفس المشاهد التى رأها من اربع سنين وكأنها ديجافو او كان بيتفرج على صور ليها حالًا.. بدون علم منه، كان اتغير الافارول بتاع العاملين وبقى ازرق والطيارات لونها بقى فضي اللون فعلًا.. حتى الطيارات الغريبة اللي شافها، كانت موجودة هي بالظبط بنفس التفاصيل اللي وصفها في التقرير القديم الخاص بة.. كانت من نوع Miles Magister ودي ماتمش تنفيذها اصلًا غير سنة 1939، يعني بعد سنتين من حادثة فيكتور وكمان لون الاسطول كله كان اصفر..
تخيل انت نفسك لو مكانه كنت هتفكر او هتشعر بإيه.. حالة من الجنون
طبعًا بعد مقابلات كتير وحوارات صحفية وتلفزيونية والضجة الكبيرة اللي عملها لما شافوا انه نفس تقاريره من 4 سنين، بدأ في ناس كتير تصدق إنه زار كون موازي او سافر في المستقبل عن طريق العاصفة لكن سرعان ما ذهبت اذهان الناس عن الاهتمام بالموضوع نتيجة بداية الحرب.. فيكتور حاليًا عامل كتاب عن الحادثة كلها واتاخدت لقصة في كام فيلم تاني.. غير انه معاه كم كبير من الاوسمة البطولية وليه مكانة رفيعة جداً داخل الجيش الامبراطوري جعلت ناس كتير تصدقه فعلًا..
الحادثة كلها موثقة ومثبته في التاريخ، هل بقى صحيحة وحصلت ولا مجنون وكداب!.. ولو كداب، فاتمكن ازاي معرفة الحاجات دي كلها!!
**كان هناك صورة مشهورة على الانترنت عن ظابط طيران اثناء تصويره مع فريقه (الصورة الموجودة فى المقال) ظهر وراه وجه احد العاملين اللي توفوا قبل التقاط الصورة بأسابيع.. المفاجأه ان هذا الشخص كان السير فيكتور نفسة … فهل فعلا ذهب الى المستقبل ؟
